हेल्थ पॉलिसी खरेदी करताय? ‘या’ पाच गोष्टी ठेवा लक्षात आणि मग करा योजनेची निवड

सध्याच्या धकाधकीच्या जीवनात रोगराई वाढली आहे. त्यामुळे रुग्णालयाचा खर्चही वाढला आहे. त्यामुळे अनेक लोक हेल्थ पॉलिसी घेण्याचा विचार करतात. परंतु ती घेताना काही गोष्टी लक्षात घेणे गरजेचे असते.

चला त्याविषयी जाणून घेऊयात:

वेटिंग पीरियड- बहुतेक आरोग्य विमा वेटिंग पीरियडसह येतो. जर आपणास आधीच कोणताही रोग किंवा कोणताही गंभीर आजार असेल तर आधीच चांगली माहिती गोळा करा. विमा कंपनीद्वारे पॉलिसीमध्ये लागू असलेल्या वेटिंग पीरियडची तपासणी करा. वेटिंग पीरियड कमी असणारी पॉलिसि निवडण्याचा प्रयत्न करा.

कॅशलेस क्लेम ऑप्शन असणारी पॉलिसीज- विमा कंपनीच्या हॉस्पिटल नेटवर्ककडे लक्ष द्या. ते कॅशलेस क्लेम ऑप्शनची सुविधा देतात की नाही हे देखील तपासा. तज्ज्ञांचे म्हणणे आहे की वैद्यकीय आपत्कालीन परिस्थितीत आगाऊ पैसे भरणे कठीण आहे. म्हणून एक असे कव्हर पॉलिसी निवड करा जे रूग्णांच्या विस्तृत नेटवर्कसह देशभरात कॅशलेस क्लेम आणि कव्हरेज ऑफर करू शकतील. यासह, आपण निवडलेली पॉलिसी बेस्ट बेनेफिट सह लो-प्रीमियमक सह येत असल्याचे सुनिश्चित करा. उदाहरणार्थ, विमा पॉलिसीची वेबसाइटवरून थेट विमा पॉलिसी खरेदी केल्याने आपल्याला ऑनलाइन सूट मिळू शकते.

हॉस्पिटलायझेशन आणि इतर कव्हरेज-पॉलिसीधारकाने आरोग्य विमा पॉलिसी खरेदी करण्यापूर्वी स्वतःचे आणि त्याच्यावर अवलंबितांचे वय आणि आरोग्याच्या स्थितीचा विचार केला पाहिजे. उदाहरणार्थ, जर पॉलिसीधारकाकडे आधीपासूनच कमी रकमेची पॉलिसी असेल तर, ते अपग्रेड करू इच्छित असल्यास अतिरिक्त कव्हरेजसाठी सुपर टॉप-अप पॉलिसी निवडण्याचा विचार करू शकतात. तज्ञांचे म्हणणे आहे की अशी पॉलिसी निवडा जे रुग्णालयात दाखल होण्यापूर्वी आणि नंतरचे दोन्ही खर्च कव्हर करील.